HAYADHA & URURADA XUQUUQDA AADAMAHA OO U AQOONSADAY GABAYGA (DULMANA LA QUUDHSADAY)GABAYGA QARNIGA

HAYADHA & URURADA XUQUUQDA AADAMAHA OO U AQOONSADAY GABAYGA (DULMANA LA QUUDHSADAY)GABAYGA QARNIGA

Waxaa Haayada iyo ururada u dooda xuquuqda Aadamaha ay u aqoonsadeen Gabeyga la idhaahdo (DULMANAHA LA QUUDHSADEY) inuu yahay Gabeyga Qarniga aynu ku jirno marka la eegabey yidhaahdeen la dagaalanka Dulmiga iyo tacadiyada ka dhanka ah xuquuqda Aadamaha,

Haayada la idhaado African Educational Trust ayaa waxaa ay qortey Buug la magacbaxay (Haybad Soor) buugan oo sidu u dhanyahayba ka sheekeynaya Dulmiga aan ku salleysneyn Diinta iyo dadnimada ee lagula kacco guud ahaan Beelaha laheyb_sooco gaar ahaan Beelaha Gabooye, sidoo kale waxaa isna jirra Buug la idhaahdo (Nabadshe) oo uu qoray Abwaan Yousuf shaa,ir oo ah abwaanka curiyey Gabeygan la idhaahdo Dulmanaha laquudhsadey oo isna qeyb kamid ahi ka hadlayo quudhsiga, iyo sidoo kale Daraasado ay diyaariyeen haayaadka iyo Ururada ka shaqeeya Xuquuqda Aadamiga, markii waxaas oo dhan la qiimeeyey ayaa la go,aansadey in loo Aqoonsado inuu yahay Dulmanaha la quudhsadey Gabeyga qarniga,

Tallaabadan ayaa waxaa soo dhaweeyey

Gudoomiyaha Beelaha Gabooye ee S/land Mudane: Xassan Sheekh Maxamed Aw Cali

Suldaanka Guud ee Beelaha Gabooye: Suldaan Iid C/laahi Xirsi

Boqorka Beelaha Gabooye: Boqor Ahmed Ugas Iiman Warsame

Suldaan: Naasir Suldaan C/raxmaan Suldaan Ismaciil

Suldaan: daakir xassan khaliif

Suldaan: Nadiif seyl jibriil

Ayaa waxa ay dhamaantood ku tilmaameen in ay tahay tallabo wacan,

Waana gabeygii < Dulmanaha la quudhsadey>

: waxaa curiyey Abwaan yousuf Shaer,

waxaanu ku bilaabma sidan

1.

Dabeyalaha dhacaayiyo marka Daalka
2.

waayuhu dayac iyo dhibkeene
3.

Damac lagu hungoobe
4.

Dawakhaadu tarante’e
5.

Dacar iyo ladh oogmaa
6.

Damqashada aqoontiyo
7.

Deeleyda maansada dayax iyo cadceediyo diri looga sahanshaa
8.

Anna dooda baanaha damaashaad ciyaariyo madal lagu dalxiisiyo
9.

Haddal daasha socodiyo
10.

Dookheyga maaho
11.

Nin darjiidhey mayihiye wax idaareybaa jira!
12.

Dakharada gabooyaha dumadooda lala dhacay
13.

Dawdhaafka yibirkiyo
14.

Dalasiga tumaalaha
15.

Dulmahana laqeybsadey digashada xunuunka leh
16.

Deelqaafka boontiyo dalmarow madhaadeen
17.

Dadka muuqa nolashiyo
18.

Darajada aqoontiyo
19.

Doorkii waxgaradkiyo
20.

Dawlad saamigeediyo
21.

Dagma nabad u taaliyo
22.

Ruux duunyo haystiyo
23.

Dakadaha waxkeeniyo
24.

Nin darmaan kuboodo
25.

Magaciisu duuliyo
26.

Damac iyo hankoodi
27.

Laga saarey daahee
28.

Duudsiga xadgudubkiyo
29.

Dafirada nacabka ah
30.

Daris lala wadaajee
31.

Dudda lagu ilaawiyo
32.

Lagu oodey deyrkee
33.

Dalanbaabi socodka ah
34.

Danbigeygalleen iyo
35.

Waxaa loogu dawgalay
36.

Dacwad lagu dhageystiyo wali dood Malaga furay?
37.

Sidii duulkii falastiin ama doolkii seerbiya
38.

Ama deyrkii baarliin duligiyo iswaagiyo
39.

Dhulkan lagu darleefee darxumadu ka olashee
40.

Diihaalka lagu qabo danbarsiga abwaankiyo
41.

Hal abuurka deexdaa suugaanta kuma darin,
42.

Daahyalay Hadraawaa
43.

Dhowr jeer ku daalo
44.

Daalaleyna raacshee
45.

Sow dirsoocu muu jirin
46.

Dabashada Atoorkiyo
47.

Dubashada ugeybkiyo
48.

Damaashaadka mulacyada
49.

Ooryahooda diibka leh
50.

Hadaardaarinbuu jidhi
51.

Misna dayra dhaafkiyo
52.

Reerkan daadku qaatee
53.

Darayada ku raagtiyo
54.

Deelqaafka ceebtiyo
55.

Daaduunka weheshaday
56.

Doobirtooda yaabka leh
57.

Diiwaanka kuma qorin,
58.

Codka dananka luuqdiyo dhoodaan dawaafkii wuxu dawlad maagee
59.

Dalli iyo jar kala dhacay
60.

Sida duulkan loo galay
61.

Ama loo dildila rogey
62.

Faaladiisa kuma darin,
63.

Dabracelinta sheekada ama daawashada guud inkastoo dameerkii
64.

Darmaan loogu magacdaray
65.

Danbigii lasaariyo
66.

Dayacu kunoolaa
67.

Dacwadiisa qeys galay
68.

Ama uu dareenkii
69.

U daruuray gaashaan
70.

Misna deyma bogoshada
71.

Sida daacad loo gabay
72.

Ama la isku dabaguray
73.

Dulmanaha la quudhsadey
74.

Dacalku ka dhaafiyo
75.

Wax ka daahay mooyaan!
76.

Darxumada saboolkiyo
77.

Saban uu dagaal dhacay
78.

Dalka qiiq kasarakacay
79.

Doonaanta maansada
80.

Sanguboo u dadab galay
81.

Dar alee waxuu yidhi
82.

Dugsiwaa bakeylihii
83.

Daadbaa u soo galay
84.

Damac yuururbaa dilay
85.

Doraad waayihii jiray
86.

Maantay kadaran tahay
87.

Isna waxanu daalacan
88.

Duleed joogta maqashiyo
89.

Dooxadan agtiisa ah
90.

Degmadii ku nooleyd
91.

Diilalyada cusleysiyo
92.

Deyr waaga noloshee
93.

Dunjigooda dhala rogey,
94.

Dabataxan abwaankii
95.

Sida midhaha dareyfga
96.

Ama dalab laka guray
97.

Ama dirirka cawleed
98.

Dhankastaba u digarogey
99.

Wax u diidey mooyee
100.

Gaariye dakanadaa
101.

Dadka qaarkii laga galey
102.

Maansadiisa kuma darin
103.

Doodiyo aftahankiyo deeleyda waagii darka la isku jiidhee
104.

Ninba dacal kazoo galay
105.

Yamyam dulucda sheekada
106.

Inkastoo u duur xulay
107.

Ama dogabyo weyn riday
108.

Daldaloolka muuqdiyo
109.

Damqashada xanuunkee
110.

Xaqiraada lagu darey
111.

Dabkan reerka lagu shidey
112.

Dabuub lagu tilmaamiyo
113.

Dibnihiisa kama maqal!
114.

Aan dubaaxsho heestoo
115.

Darmaanteyda heesaha
116.

Daganaan u saare
117.

Deegaanta laacdiyo
118.

Dhul habeenkii doogsaday
119.

Damal iyo hadh galabeed
120.

Dooryaalka dhaqankii
121.

Dudadiisu nooleyd
122.

Genayoo dalxiisoo
123.

Arraar lagu daleeyiyo
124.

Duufaanka mariyee
125.

Isna doorarkiisii
126.

Tallow dareygan quustiyo
127.

Beelahan dayoobee
128.

Dabaqyada dhunkaashaa
129.

Ilaa daayin abidkood
130.

Ka durduuranaayee
131.

Dirqigiyo waxyeelada
132.

Dumadooda lagu qoray
133.

Dibu dhaca ka baajiyo
134.

Waxa uu dareemee
135.

Uug daahay waa maxay?
136.

Deexashada tusaalaha waxaan uuga danleeyahay
137.

Deeqdii abwaankiyo
138.

Darajada aftahaynimo
139.

Sidaan la isku deeqsiin
140.

Daniguna u badan yahay
141.

Sagalada darooriyo
142.

Markay daydo curatee
143.

Daran iyo ugbaad baxo
144.

Duunyada la maaliyo
145.

Ninka dalawadiisii
146.

Daaqsinkeedu ka engagey
147.

Ama aan docmooyee
148.

Degmadiisa waligii
149.

Deegaan u gaariyo
150.

Dudo lagu caweeyiyo
151.

Dooyeeysan kaligood
152.

Duumada xanuunkiyo
153.

Dacar iyo ladh jiifiyo
154.

Dureybaa ku raagoo
155.

Doogbaa shideysee
156.

Dawwo lagu bogsiiyiyo
157.

Haddii aan dareen jirin
158.

Daaraanta lugu dhayyo
159.

Dadafeynta hadalkiyo
160.

Digashada iska ogow
161.

Deyrana hasii badani,
162.

Duulduulka hadalkiyo markaan la isku duur xulin
163.

Ama darri la maakumin
164.

Waxaa lagu dirsoocee
165.

Daldalaada quudhsiga
166.

Dacwad looga dhigayaa
167.

Dooryaaley iyo beri
168.

Abaar lagu dayooboo
169.

Duufaana sarra kacay
170.

Bakhtibey dubteenoo
171.

Daamamkooda galiyeen
172.

Doodaa layaabka leh
173.

Dalbaheeda hoosiyo
174.

Duudkaad ka garataa
175.

Iney daano tuugiyo
176.

Danbi iyo xasarrad tahay
177.

Iyo been la dagashaday
178.

Dildilaalka hadalkiyo
179.

Dawliilka quustaa
180.

Marka dooca laga baxo
181.

Duulaanka hoosiyo
182.

Waxaa baday dagaalkoo
183.

Dabar iyo nac loo sudhey
184.

Daacadii farshaxankiyo
185.

Dadaalkiyo aqoontiyo
186.

Birtaa daabka haysiyo
187.

Dawwo geed ku taaliyo
188.

Deebaaq falaadhiyo
189.

Dusha maas ka xidhanoo
190.

Duhur lagu boqooliyo
191.

Haamo reerka doojiyo
192.

Nin dushaada kala guray
193.

Dulankiyo basaastiyo
194.

Kaa idleeyey diiftii
195.

Daryeel lagu nagaadiyo
196.

Dahab baabu keenee
197.

Ma wax lagu duleystaa?
198.

Dibadiiyo shisheeyahay dal aan cidiba gaadheyn haddii gaal ka soo dago
199.

Dumar loo aroosiyo darajaa la siiyaa
200.

Daruuraha hilaaciyo
201.

Ninkan doorka kula yaal
202.

Daris iyo qaraabiyo
203.

Dalka aad wadaagtaan
204.

Diinta islaamka ah
205.

Hablihiisa diibka leh
206.

Maxaa looga didayaa?
207.

Dulucdiyo ujeedada maxaa duni barwaaqiyo
208.

Nimco lagu durduurtiyo
209.

Dawlad iyo wanaagiyo
210.

Nabad lagu dakeeyiyo
211.

Daganaan laheybshaa
212.

Duudsiga waxyeelada
213.

Iyo doogta mililka leh
214.

Sowtan la iska dagashaday
215.

Ama duul lasaanyaday
216.

Danbiyo xumaaniyo
217.

Dad waxaanu gayi Karin
218.

Daabacooda lagu qoray
219.

Daalaa dhacoodiyo
220.

Dalasiga xanuunka leh
221.

Ayax mar uu ka diiroo
222.

Duugeeda halacsaday
223.

Dayibow wuxuu yidhi
224.

Dumaarbaa la mehershaa
225.

Nin waxaanu dooneyn
226.

Kadagaalamaan ahey
227.

Daba socodka godobtiyo
228.

Dockaleeto sheekada
229.

Gaylan wuu ku diirsaday
230.

In dirsoocu ba,an yahay
231.

Dulqaadkiina gabaabsi yahay
232.

Dabuubtaa layaabka leh
233.

Anigu waan ku diirsayday
234.

Dawna wey u leeyihiin,
235.

Duulduulka jahannaba iyo dabaqa naareed iyo doolka dubashada
236.

Haddaan daafad loo heyn
237.

Darbi kaa ceshaa jirin
238.

Damaciyo aftaagiyo
239.

Doqonimo hadalkiyo
240.

Digdigtaada beentaa
241.

Ajow waad ku daashoo
242.

Deynbaad ka qaadee
243.

Danbabeeradaadiyo
244.

Dib u eeg tudhaalaha
245.

Dulmigana hasaacidin
246.

Diintana xasuusnow,
247.

Idinkuna dulqaadkiyo darajada illaahay daacadiisa mooyeee
248.

Deelqaaf ha mudanina
249.

Daliilkii rasuulkiyo(scw)
250.

Samirkana hadeynina
251.

Dandaagta reerkiyo
252.

Isku duubni u wada jira
253.

Dugsi la isku weheshado
254.

Dareen la isku raaciyo
255.

Diiwaanka nabadeed
256.

Dadab lagu nagaan karo
257.

Danabkii ku baaqdamey
258.

Darmaan boobe halabsadey
259.

Haldardaarankiisii
260.

Dib miyaan xasuustiyo
261.

Damiirkiinu garaneyn
262.

Doorarku mideyn jirey?
263.

Dadaalkiyo aqaantiyo duunyada dhaqaalaha
264.

Dardar lagula soo baxo
265.

Dagal lagu nagaadiyo
266.

Deegaan beeshu leedahay
267.

Dookhiina sharaftiyo
268.

Doobirtiina nololeed
269.

Dawadeedu waataa,
270.

Allahayow shar darariyo ballo duuga aragtiyo dunbukh iyo rasaastiyo
271.

Dhiig bilaash ku daatiyo
272.

Didmo cadow hannagu ridin
273.

Dunjigiyo qabiilkaa
274.

Dubayaasha laladhacay
275.

Dallaalnimo hadheysiyo
276.

Diintiyo xaqsoorkiyo
277.

Dariiqyada hanuunkaa
278.

Raxmadaada uugu deeq
279.

Bulshada mid dabacdoo
280.

Daadaheysa samahoo
281.

Dildilaanka qoyskiyo
282.

Durkintiyo fogaantiyo
283.

Kala dookha neceboo
284.

Damiirkeedu wacan yahay daayinow na sollonsii

Allaahu ma Aaamiin

Waakaas abwaan haddaba
xigasho;www.dulmane.com
waxaa idiin soo diyaariyey idiinkana soo xigtey ,dulmane.com,

qoraaga ,, barkhad xaaji cabdi ,,mr gaboye,,
ontario canada
email:abokoriye1@hotmail.com
email:mrgaboye@hotmail.com

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


%d bloggers like this: